هل قاسم امين اخطا؟؟؟؟!!!!!!

هل قاسم امين اخطا؟؟؟؟!!!!!!

دائما بيقولوا ميكانيكا مش للبنات

وان لو البنت غلطت ودخلت هندسة يبقى لازم تدخل عمارة او ممكن كهربة

ولو غلطت اكتر ودخلت ميكانيكا يبقى متشتغلش وتتنازل عن البكارليوس

ومجهود خدمة 11 سنه وحرب 5 سنين كمان ؛

طب بزمة ده يرضى حد

ليه الناس مش بتفكر انه ممكن البنت ديه تشتغل وتنتج وتنفع الامه

هو صحيح انها بدنيا مش ممكن تشتغل اكتر من الرجل

ولكن ذهنيا ممكن بدليل انه فى قسم ميكانيكا اللى بيقولوا عليه صعب فيه بنات كتير متفوقة

ومن اوائل الدفعات

احنا بنحب قسم ميكانيكا جدا جدا

بس فى احيانا حاجات بتحصل بتضيقنا زى الكلام الكتير اللى على بنات ميكانيكا

وانى البنات تاخد مقبول فى المشروع برغم انه نفس المشروع الاولاد وخدين امتياز

ليه دايما بيحكموا على البنات انها مش بتشتغل رغم انه بجد فيه بنات كتيرة بتحب الشغل

العملى وبتجاهد فيه

علشان كده بسال هل قاسم امين اخطا ؟؟!!!

طب واخطا من ناحية ايه ؟؟

بلادنا احسن يا بشمهندسين

بلادنا احسن يا بشمهندسين

بالتاكيد اغلبنا سمع بمقتل مروة الشربينى زوجة م / علوي علي المعيد بمعهد الهندسة

الوراثية بجامعة المنوفية وهوحاصل على منحة شخصية للدراسة في معهد فاكس بلانك

بألمانيا، ويعيش هو وزوجته مروة وطفلهما ( 4 سنوات ) في مدينة درسدن فى المانيا من سنة 2003

قتلت مروة فى المحكمة وبطعنات سكينة امام الكل ،وكمان زوجها اتصاب و دخل العناية

المركزة ، وبعد كل ده بيقولوا قتل خطا وبيتحقق مع المتهم على انه قتل خطا ،

بزمة لو كانت مروة مواطنة المانية كانوا حيقولوا انه قتل خطا ؟؟؟

طبعا لا وخصوصا احنا عارفين الالمان وتقديسهم للشعب الالمانى واعتبارهم ان الالمان

دول احسن شعب على مستوى البشرية

احنا ليه مش بنعتز بدينا و وجنسيتنا زيهم

حتى لو كل العالم بيقول ان احنا وحشين

احنا نقدر نغير الفكرة ديه بس لو احنا عايزين

لو كل واحد فينا سافر وبقيت بلده معاه فى حبه ليها فى تصرفاته فى كلامه فى طريقت

معاملته الكويسة مع كل الناس باختلاف جنسيتهم

بالتاكيد الفكرة ديه حتتغير

ولكن مع الاسف اللى احنا بنشوفه ان اى حد بيسافرللخارج بينبهر بالحضارات الغربية

ومش عايز يرجع تانى ،

لو كل واحد متميز فى مجاله هاجر للخارج يبقى بلادنا حتزداد سوء وحالنا عمره

محيصلح

المفروض ان احنا نستحمل ونصبر على حال بلادنا لحد منغير الحال ده للاحسن بعون الله

وعلى راى المثل (اللى طلع من داره اتقل مقداره)

فنعيش فى بلادنا ونحارب ، ونحارب بمعنى الكلمة علشان نصلحها ده حيكون احسن

على اى حال

بعد كل ده يبقى بلادنا احسن ولا لا يبشمهندسين؟؟!!!

(مهندسة لعزة الامة)

بسم الله نبدا

بسم الله الرحمن الرحيم

ديه مدونه يقدمها لكم طالبات قسم الهندسة الميكانيكية جامعة اسيوط

موضوعات المدونة حتكون متنوعة باذن الله تعجبكم

نرجو المشاركة الجادة من جميع الزوار

انتظرونا فى اول موضوعاتنا