ردا على طلب eng/ Basma
بس حبينا نخليها مناقشة جماعية علشان كلنا نستفيد
هقول على شويه حاجات يارب تفيد ومستنيه النهاردة اى حد يحب يضيف اى حاجة معلش النهاردة بس لانى تقريبا باذن الله مشحفتح النت طول الشهر:-
1-القران**
*******
ديه رسالة بعتتهالى احدى صديقاتى
--------------------------------------
كيف تختم القران فى شهر ؟؟؟
عدد صفحات القران 600
600/30 يوم = 20 صفحة يوميا
20 /5 صلوات = 4 صفحات بعد كل صلاه فقط
انشر قدر المستطاع
-----------------------------
2- ذكر الله**
**********
ياريت قدر المستطاع احنا وتعبنين من الصيام والجو حر والواحد عطشان منقولش امتى المغرب انا تعبت انا ........ولكن ممكن نستبدل ده بذكر الله (سبحان الله ؛ الحمد لله ؛اللهم اهدنى ؛ اللهم اعنى ؛ اللهم قونى ووفقنى ؛ يارب .....)
3- عمل الخير ولو بالقلب **
***********************
نحاول طول نهار الصيام وبعد الفطار يبقى شغلنا الشاغل ايه هوه الخير اللى ممكن اعملة دلوقتى واعمله فورا دون ترددالخير ده ممكن يبقى (مكالمه تليفون لاحد اقاربى انوى بيها صلة الرحم ؛ او الزيارة لاقارب ؛ دعوة من القلب لاصدقائى اللى بحبهم فى الله وان الحب ده يستمر الى ان تلتقوا تحت ظل عرش الرحمن ؛ مساعدة ماما فى البيت وانوى بيها بر الوالدين وده للبنات والاولاد لان اى حاجة هعملها علشان ارضى ماما او بابا بالتاكيد باذن الله حاخد ثواب عليهالان ده فى الاخر طاعة لربنا؛ الصلاه على الرسول (صلى الله عليه وسلم )؛ الاستماع الى البرامج الدينية ؛....ولو دورنا بالتاكيد هنلاقى كل لحظه خير ممكن يتعمل
4- مجاهدة النفس**
***************
مجاهدة النفس على ترك المعصية وايضا مجاهدة النفس على عمل الصالحاتيعنى نجاهد نفسنا على مشاهدة المسلسلات الكتير اللى فى التليفزيون ونستبدلها بمتابعة البرامج الدينية الجميلة والمفيدة والحمد لله دلوقتى فى قنوات وبرامج دينية كتير
5- النت وحكاياته**
**************
الناس اللى النت بياخد وقت طويل جدا من يومها ؛ياريت تخلى بالها وتجاهد نفسها لان ساعات اليوم دلوقتى بقية غالية خالص ؛وده برده ممكن يوقعنا فى شويه مشاكل زى مثلا منظر المفروض منشفهوش يتفتح فى المواقع العامة بتاعت الايميل (yahoo ...)مثلا
واقترح عليكم حاجة يارب تعملوا بيها ان اى حد يفتح النت يفتح موقع دينى مع اللى بيفتحه وينوى بيها طاعة لله وبالتاكيد حيستفيد بمعلومات وده حيوسع مداركنا من نحية الامور الدينية اللى مع الاسف قليلة عندنا
واقترح عليكم حاجة يارب تعملوا بيها ان اى حد يفتح النت يفتح موقع دينى مع اللى بيفتحه وينوى بيها طاعة لله وبالتاكيد حيستفيد بمعلومات وده حيوسع مداركنا من نحية الامور الدينية اللى مع الاسف قليلة عندنا
5- الدعاء الدعاء الدعاء**
*****************
بالله عليكم مننساش الدعاء لان رمضان فرصة (للصائم دعوة لاترد)
ندعى لينا ولاهلنا ولاصحابنا ولازم ندعى للمسلمين واوصيكم بالدعاء طول اليوم مش عند الفطار بس
وندعى ربنا يصلح حال بلدنا وكل بلاد المسلمين
6- صلاة الفجر**
************
ممكن يكون رمضان فرصة كبيرة بالنسبة للناس اللى مبتقدرش تصحى تصلى الفجر ان احنا نعود نفسنا على صلاة
الفجر ؛ ناخر الصحور ونستنا نصلى الاول وبعد كده ننام لو عايزين ؛ وبعد رمضان ممكن حتى لو ملحقناش الاذان ونيمين متاخر نظبط المنبه على وقت مناسب بحيث نصحى قبل الشروق بوقت كافى للوضوء والصلاة
(ده للبنات لكن الرجالة لازم بعون الله يصلوا جماعة فى المسجد لان فرض عليهم صلاة الجماعة ؛ والله اعلم)ونعود نفسنا وحدة وحدة ونستعين بالله انه يقدرنا على نفسنا وعمل الطاعة
7- بر الوالدين **
***********
ممكن رمضان السنادى نخليه بداية لزيادة بر الوالدين وطاعتهم طبعا لطاعة الله عز وجل
يعنى ممكن نعود نفسنا على ان احنا نبوس(نٌقَبِِِِل ) يد والدينا (ماما وبابا )
وندعيلهم دايما بالصحة والعافية وطولة العمر فى عمل الخير وان ربنا يقربهم اليه
واللى والده او والدته مش موجود( فى رحاب الله عز وجل ) ندعيلهم بالرحمة والمغفرة وان ربنا يجمعنا بيهم فى الفردوس الاعلى
----------------------------
يعنى هوه مش برنامج بالضبط:-
ممكن نصحى نصلى ؛ نقرا شوية قران
نبدا شغل البيت ؛ او نروح الشغل
صلاه الظهر ؛ونقرا قران
تجهيز الاكل وشغل البيت (ونذكر الله احنا وبنشتغل)
صلاة العصر ؛الاذكار ؛ قران
نسمع برامج دينية
نبدا نجهز للفطار ؛ الدعاء كتير
بس المغرب حيادن ندعى لينا وللمسلمين وبعد كده نفطر ....
صلاة العشاء والتراويح فى المسجد باذن الله (لان ممكن لوحدنا فى البيت نكسل شويه ونقرا من غير خشوع )
ونحاول نختار المساجد اللى بتقرا القران كله بالترتيب فى رمضان معلش حتى لو بعيدة و وقت لم الاكل والشاى و .... مبيسمحش نحاول وكده نبقى عملنا ختمة لوحدها فى التراويح
نرجع نحاول نقرا اللى صلينا بيه تانى بتدبر شويه
نسمع برامج دينية او لو فى خروج لزيارة او شراء
ننام ونقول اذكار قبل النوم
نصحى نسحر ونصلى الفجر
واليوم خلص فى طاعة ربنا باذن الله
ونفتكر طول رمضان ونحسب
اول عشرة ايام =رحمة
+ ثانى عشرة ايام = مغفرة
+ ثالث عشرة = عتق من النار
__________________
المجموع = الجنه ورضا الله عز وجل
على ما اعتقد لو كل واحد مش قادر يعمل حاجة لو تابع البرامج الدينية اليوم حيخلص بس بفايدة باذن الله لانه طول الوقت بالتاكيد حيجى فى وسط الكلام ذكر لله او الصلاة على سيدنا محمد (علية افضل الصلاة والسلام )
___________________________________________كل عام الامه الاسلامية بخير
