كان نفسى اكون هناك

بعد الموضوع الساخن جدا جدا جدا اللى فات

** صبرا آل ميكانيكا **

نهدى شوية

نفس عميق

خلاص كل الناس هديت

********* خليكوا معايا ************

****************************************

في الأول عايزة أتكلم معاكم في موضوع المناقشة البناءة واحترام الآخرين

الهدف من اى موضوع بيتم عرضه هو المناقشة البناءة

يعنى إيه ؟؟!!

يعنى أحنا مش عملين المدونة كده وخلاص

أحنا عملنا المدونة عشان نفيد ونستفيد

بالتأكيد كل واحد فينا بيدخل في اى مناقشة في اى موضوع

حيفيد ويستفيد وإلا يبقى لزمتها إيه المناقشة ؟

ياريت كلنا نجدد نيتنا بالإفادة مش نضيع الوقت وخلاص

يا رب نكون اتفقنا ؛؛؛

ندخل في الموضوع

ولونه متأخر شويه بسبب الأعطال اللي انتو عارفتوا بيها


يمكن اغلبنا عرف أن الدكتور احمد زويل عمل ندوة في مكتبة الإسكندرية

أنا فعلا كان نفسي أكون هناك

بس مع الأسف أنا لسه هنا !!

الحمد لله قدرت أشوف شوية من الندوة على بعض القنوات الفضائية

يمكن اكتر حاجة لفتت نظري في الحوار الكلام عن مستوى التعليم في

مصر وتعبير الدكتور احمد زويل

(الترقيع في التعليم مش حينفع )

هوة فعلا الوضع الحالي للتعليم في مصر الحبيبة ( الترقيع )

حتى لو كان ده وضعنا الحالي بالتأكيد أحنا كشباب لينا دور في تطوير التعليم

حتى مجرد تطوير تعليم الذات

يعنى يبدأ كل واحد فينا يعلم نفسه بنفسه

وطبعا ممكن يستعين ببعض من اللي حوليه

والحمد لله دلوقتى الوسائل كتيره وسهلة زى النت اللي سهل حجات كتير

والهدف انه في المستقبل يطلع جيل صالح يقدر يواجه العالم والتطور

السريع اللي أحنا فيه ومع الأسف ملناش دور فيه

ولا انتوا رايكوا إيه في الموضوع ده ؟