رحلة.. اللهم الثبات

السلام عليكم ورحمة الله وبركاته

كل سنه وانتو طيبيين

بسرعة شديدة رمضان خلص

يارب نكون عرفنا نستغله صح وربنا يتقبل من كل المسلمين باذن الله ويرزقنا الثبات بعد رمضان

و عيد سعيد

ربنا يجعله عيد تزداد فيه الامه نصر وعزة

حبيت انى اتكلم معاكم عن البرامج اللى تبعناها فى رمضان

بالتاكيد كل واحد فينا كان عندة اللى يشغله فمقدرش يتابع كل البرامج

او ممكن يكون شاف برنامج بس محسهوش

فقررت انه الموضوع ده يكون عبارة عن نقاش كل واحد يكتب فيه اللى عجبوا فى التليفزيون والبرامج اللى تبعها واللى

معجبهوش برده

ويقول ايه اللى حسة فى رمضان السنة ده وايه اللى حس انه فعلا رمضان غيره فى نفسه

----------------------(نص محذوف)-----------------

و قول (سبحان الله ..والحمد لله ..ولا اله الا الله ..والله اكبر )

سبحان الله :يعنى تباركت وتعاليت يا الله تقدسة عن كل شيئ سبحان الله لا تقال الا لله

الحمد لله :يعنى الحمد لله انه الله ولا اله غيره الذى تقال له سبحان الله

لا اله الا الله : تاكيد لسبحان الله انه لا شريك له

الله اكبر: ان الله سبحانه وتعالى(سبحان الله ) الذى (الحمد لله) انه الله ولا شريك له ف(لا اله الا الله) فهو الاكبر

يارب تكون وصلتلكم ويوصلكم الاحساس بيها

من البرامج اللى كانت فى رمضان :

برنامج (كوكب تانى ) للشيخ ( محمود المصرى) بارك الله فيه

البرنامج فكرته ان كل حلقة بيتكلم عن كوكب معين فى سماء الايمان زى (الثبات -الحياء - الايثار-الورع -.....)

وبيذكر الشيخ بعض قصور اهل الكوكب ده وبيدى امثلة للاقتداء بيهم

وكان فى كل كوكب بيكون اعظم قصر للرسول (صلى الله عليه وسلم)

ففعلا الرسول (صلى الله عليه وسلم افضل قدوة لينا فى كل شيئ حتى فى الاشياء اللى فكرينها مستحدثة فى عصرنا

----------------------------------------

برنامج (قصة حب ) للداعية (مصطفى حسنى )

فكرة البرنامج هوه قصص الحب اللى ملات حياة الرسول (صلى الله عليه وسلم)

يعنى مثلا ( حب الله (عز وجل) للرسول (صلى الله عليه وسلم) وازاى انه الرسول (صلى الله عليه وسلم ) غالى جدا عند ربنا وكان سبحانه وتعالى يخفف عنه فى اوقات الشدة ؛ وحب الرسول (صلى الله عليه وسلم) للفقراء - وللعصاه -وللاطفال و .....

--------------------------------------

برنامج (قاطعوا هذة المنتجات ) للشيخ ( محمود المصرى )

فكرته ان كل حلقة بيعرض الشيخ خلق سييء فى مجتمعاتنا زى (عقوق الوالدين - النميمة ونشر الاشاعات -البخل .....

كان برنامج لذيذ الشيخ بيجيب كل يوم زجاجة او علبه ومكتوب عليها الخلق السيئ ده كانه منتج بياع فى السوق

كلمات اغنية التتر معناها اللى فهمته منها انه السوق مليان بالمنتجات اللى ممكن تكون رخيصة بس المفروض انه الانسان يختار الصح ؛وميقولش ليه او ازاى حصل الخلق السيئ ده لان الشيطان و بدون كسل بيخلط مبين سم وعسل

-------------------------------------

برنامج (حطم صنمك )للشيخ (خالد الجندى)

فكرة البرنامج جميلة جدا وهى ان ممكن يكون داخل الانسان مرض خطير خبيث وهوه مرض ال( انا ) ممكن المرض ده

يكبر ويصبح شرك وذكر الشيخ انه فى فترة التسعينات كان فبه شيخ سعودى كان كويس خالص لدرجة انه كتب مقال

شديد يعارض من يقولون انه ممكن التوسل لله (عز وجل ) بالصالحين ...ولكن بعد مرض ال ( انا ) ربنا يعفينا واياكم

الشيخ شاف نفسه زيادة لدرجة انه كتب شعر فى نفسة بيقول فيما معناه انه عندة صلاح او خير يعنى لو قسم على الدنيا

لكان البشر ميحتجوش الرسل ..وانه هو لما بيجرى الناس كلها بتجرى وراه ولو وقف محدش غير حيجرى ...

الاخطر من كده ان المرض ده ممكن يظهر فى مواقف صغيرة مش بناخد بالنا منها زى مثلا انى اساعد اى حد و احب

اذكر فضلى عليه وانسى ان لولا فضل الله عز وجل انه قدرنى على الفعل ده مكنتش حقدر اعمل اى حاجة

وارجع الفعل لقدرتى ومواهبى فى الاقناع فى الكلام مثلا فى علاقاتى باشخاص ليهم سلطة معينة وهكذا

فعلا هوه مرض خطير واثناء تذكرى لبعض المواقف لقيت انه موجود بينا وبكثرة من غير منخلى بالنا

ربنا يعافينا واياكم من جميع الامراض الى بتصيب النفس والبدن

ديه كانت رحلة قصيرة شهر بس خلصت يارب فيادتها تستمر طول الرحلة الطويلة اللى احنا فيها فى الدنيا اللى هيه

حياتنا

الله اكبر الله اكبر لا اله الا الله

الله اكبر الله اكبر ولله الحمد

الله اكبر كبيرا والحمد لله كثيرا وسبحان الله بكرة واصيلا

كل سنة والامه الاسلامية بكل خير