هل قاسم امين اخطا؟؟؟؟!!!!!!
دائما بيقولوا ميكانيكا مش للبنات
وان لو البنت غلطت ودخلت هندسة يبقى لازم تدخل عمارة او ممكن كهربة
ولو غلطت اكتر ودخلت ميكانيكا يبقى متشتغلش وتتنازل عن البكارليوس
ومجهود خدمة 11 سنه وحرب 5 سنين كمان ؛
طب بزمة ده يرضى حد
ليه الناس مش بتفكر انه ممكن البنت ديه تشتغل وتنتج وتنفع الامه
هو صحيح انها بدنيا مش ممكن تشتغل اكتر من الرجل
ولكن ذهنيا ممكن بدليل انه فى قسم ميكانيكا اللى بيقولوا عليه صعب فيه بنات كتير متفوقة
ومن اوائل الدفعات
احنا بنحب قسم ميكانيكا جدا جدا
بس فى احيانا حاجات بتحصل بتضيقنا زى الكلام الكتير اللى على بنات ميكانيكا
وانى البنات تاخد مقبول فى المشروع برغم انه نفس المشروع الاولاد وخدين امتياز
ليه دايما بيحكموا على البنات انها مش بتشتغل رغم انه بجد فيه بنات كتيرة بتحب الشغل
العملى وبتجاهد فيه
علشان كده بسال هل قاسم امين اخطا ؟؟!!!
طب واخطا من ناحية ايه ؟؟
السلام عليكم ياباشمهندسة انا جيت اشوف المدونة ان شاء الله هتكون مدونة متميزة فى عالم التدوين
ردحذفموضوعك على فكرة مش فى هندسة بس هو فى الاغلب فى كل كليات القمة يعنى بنت خالتى طب بيطرى حبت تعمل ماجسيتر فى تخصص عين الدكاترة رفضوا وقالوا القسم دا لاولاد بس
انا ساعات نفسى بحس ان بعض الوظايف يتكون شاقة على البنات زى الهندسة بس مادام هى حابه دا وهتقدر تقدم كل طاقاته للشغل ليه نظلمها ومش نديها حقها
قاسم امين مكنش غلطان قاسم امين ليه فضل كبير ان النساء فى الزمن دا قدرت تاخد حقوقها ف التعليم صح
لكن لسه فى شوية رتوش كدا وعادات محتاجة انها هتتغير وان شاء الله بايدينا نغيرها
السلام عليكم
ردحذفمبروك يا باشمهندسات المدونه
شيء جميل انكم تعبروا عن نفسكم ياريت تستمروا في كده
لي عوده ورد ع الموضوع الذي يبدوا وكأنه رد مباشر على موضوعي في مدونة تحت الياسمينه
اهلا بكم جميعا في عالم التدوين
تقبلو تحاتي دائما
ايوشة**
ردحذف******
شكرا يا ايوشة انك قبلتى دعوتنا ويارب تكونى صديقة دائمة لنا جميعا؛وباذن الله العادات اللى محتاجة تتغير حتتغير بينا طول ماحنا نيتنه سليمة.
تحيتنا لصديقتنا ؛
مصطفى ابو زيد**
**************
يشرفنا يا بشمهندس وجودك معانا فى المدونة
الله يبارك فيك ؛نحب نوضح لحضرتك حاجة انه الموضوع عام وليس رد على موضوع معين
لك التحية؛
بسم الله الرحمن الرحيم
ردحذفاحب اولا ان اهنأكم على المدونة الجديدة,و على مجهودكم الرائع و اصراركم على اثبات الذات.
لكن احب اقلكم بلاش الدخله السخنه دى يعنى مفيش لازمه تكون اول مقالاتكم الجاده عباره عن مقارنه بين المهندسين و المهندسات,
و بما انكم فتحتو الموضوع ده فرأيى ان الميكانيكا علم ممكن للمهندسات الدخول فيه لكن كممارسه وتطبيق عملى فلايجب ان تقترب منه اى مهندسه,نظرا لعده اسباب نتناولها سويا
1-عدم مقدره المراه على ممارسه اعمال الميكانيكا بكفأه مثل الرجل.
2-الله سبحانه و تعالى خلق المراه لكى ترعى ابنائها و زوجها فكيف لها ان تفعل ذلك وهى تذهب للمصنع او العمل من 8 صباحا حتى 5 مساء.
3-التفوق العلمى الى بتقولو عليه ده مجرد حروف و ارقام على ورقه اجابه ليس لها قيمه الا عند دكتور الماده لان لا يوجد احد فى العالم يستخدم هذه الطريقه فى التفكيراو حل المشكلات.
4-اين هو التفوق الذى لم يمكن مهندسه واحده ان تكون معيده فى القسم او واحده تبتكر ابتكار علمى جديد.
5-انا اتحدى مواجهه مهندسه واحده لمهندس من الناحيه العلميه او العمليه خارج نطاق الدراسه سواء كان فى مجال الانتاج او الالكترونيات او البور و المحركات.
و فى النهايه اود ان اقول ان قاسم امين قد اخطأ خطأ لم يدرك حدوده و لو ادرك حدوده لتمنى ان لا يولد.
و الله الموفق,.
Eng/Ahmed ***
ردحذف**************
شكرا يبشمهندس على التهنئة ؛ الموضوع لاكان دخلة سخنه ولا حاجة ده مش اول مواضيع المدونة هوه مجرد موضوع من خلال واقعنا اللى عايشينة
اشاركك الراى فى عدم مقدره المراه على ممارسه اعمال الميكانيكا بكفأه مثل الرجل ولكن كل سوف يعطى حسب مقدرتة التى خلقنا الله عز وجل بها ؛وهذا ليس معناه ان المراة لا تعمل فى هذا المجال نهائيا
العمل من 8 صباحا ده مش مشكلت هندسة بس انت كده بتعترض على عمل المراة بصفة عامة ؛بس على فكرة ممكن المراة تقدر تنظم وقتها وتوفق بين العمل والاسرة وعلم الهندسة بيعلم تنظيم الوقت والدقة
القلم والورقة والتفكير ؛ اول خطوات حل المشكلات ومن اساسها و مفيش مشكلة هندسية تتحل من غيرهم واللى يعرف يستخدمهم ديه ميزة بالنسبة للاولاد والبنات.
الموضوع مش حرب ؛ المفروض فى الاخر ان المهندس والمهندسة هدفهم واحد وهو ارضاء الله عز وجل وتحسين حال بلادنا
فالمفروض اى حد عنده استعداد يشتغل نساعده علشان ينتج باقصى مافى وسعه على حسب طبيعته اللى ربنا خلقه بيها من اجل تحقيق الهدف
ولا ايه يبشمهندس ؟
اهلا بك صديق دائم للمدونة
السلام عليكم
ردحذفانا جيت تاني عشان ارد
لكن لو حبيت ارد ممكن ارد في 3 مواضيع مثلا
لكن اعتقد قاسم امين كان نفسه البنت تاخد حقوقها في التعليم واختيار الزوج و بعض الوظائف
لكن لم يتحرك قاسم امين من اجل ان يرى الفتيات في بهذا المنظر في هذا الزمان
للأسف تحت شعار الحريه خرجت البنت ولم تعد
خرجت من التقاليد الاصيله والعفه والطهاره ولم تعد
من اجل قاسم امين امتلأت الجامعات بالفتيات وانا لست ضد تعليم المرأه ولكن كم نسبة من يردن التعليم بحق ومن خرجت من اجل الخروج
استغلال المرأه للحريه ظهر مبالغا فيه للغايه وكأنها لن تستطيع فهم ما يقال لها دراسيا الا اذا لبست هذه الملابس الكاسيه العاريه والا اذا ارتفع صوتها بالضحك اكثر من الرجال - ان كنتم انتم مهندسات لاجل عزة الامه فلتنظروا الى زميلاتكم من المهندسات بعين حسره على حالهم
هذا بخصوص دعوة قاسم
اما بخصوص ميكانيكا
انا قلتها قبل كده ممكن تكونوا دخلتوا ميكانيكا غصب عنكم بالمجموع يعني
لكن مش معنى كده انك تبقي مهندسة ميكانيكا
و هنقول تاني ليه مصممه تعملي دور مش دورك - ليه عايزه تكوني في مكان مش مكانك
بتقولي تنظيم الوقت في فرق بين شغل يبدأ 8 ويخلص 2 وضغوطه عاديه زي التدريس وشغل بيخلص 5 او 6 المغرب ومتعب ذهنيا وبدنيا
أي زوج هذا سيرضى ان مراته تتأخر لحد 5 المغرب
ولما يكون في عيال ان شاء الله هل هتسيبيهم لابوهم ولا هتاخديهم الشغل
انا بكلمك بواقع احنا عايشين فيه ربما يكون عندكم حماس شديد لكن وجهوه صح
المجتمع مليان قيود ربما تكون نافعه زي القيود اللي على عمل المرأه
بتقولي ان المهندسه مش هتشتغل زي الراجل وممكن تدي على قد مجهودها انا لو صاحب شغل ميهمنيش اللي يعملي الشغل - انا عايز شغل صح وبسرعه ومظبوط حتى لو عملهولي ساحر وعفريت
ايه اللي يجبرني اني اشغل واحده هتتجوز وتبقى حامل وتخلف وقدرتها قليله - احنا مش في مدرسه - الصناعه عايزه تفاني التأخير ساعه معناه خسارة فلوس خسارة سمعه
مش عارف هتقتنعوا ولا لأ
حتى لو ما اقتنعتوش اوعدكم ان الايام واللي هيحصل لما تتخرجوا وتصتدموا بالحياه هتقتنعوا
اعتذر عن الاطاله
سلام
اقترح انكم تحاولو تطوروا شكل المدونه للافضل
ردحذففيها حاجات كتيره ناقصه
اي استفسار بخصوص تطويرها ممكن اساعدكم لان شيء جميل ان يكون في صوت من ميكانيكا بيعبر عن البنات
تحياتي
مصطفى ابوزيد**
ردحذف**************
اهلا بيك مرة تانى يبشمهندس فى المدونة ؛ بالتاكيد طبعا بيضيقنا كلنا لبس بعض البنات فى الجامعة وطبعا ده ملهوش اى علاقة بالحرية ولا التعليم بل بالعكس التعليم المفروض انه بيزيد البنت عفة وطهارة .
على فكرة الموضوع بالنسبالنا مش مجرد جدال وخلاص ؛ بالتاكيد طبعا انه موضوع العمل مش حيبقى سهل بالنسبة للمراة زى الرجل ؛بس حضرتك يمكن تكون مبالغ شوية فى عرضك للموضوع ؛ وبعون الله مع شوية صبر وتنظيم للوقت على ما اعتقد الموضوع حيبقى اسهل شوية ؛بالتاكيد لو اى واحدة حست انه عملها حيهدم اسرتها بالتاكيد سعتها حتختار اسرتها بدون تردد .
صحيح انه القطاعات الخاصة بتفضل الاولاد ودلوقتى كمان فى شركات حكومية فى مسابقات الوظائف من شروطها الذكور فقط (رغم انه ده فيه ظلم ) ؛ بس انا فى راى انه لو المتقدمين زى بعض من حيث شروط الكفاءة يبقى الرجل اولى لانه فى الاخر ملزم باسرة على عكس المراة انها مهما كانت تمتلك من فلوس او سلطة فهى ملزمة من زوجها .
احنا مؤمنين تماما انه مدام نيتنه صادقة وبنتعلم من اجل الله ونصرا للاسلام ومحاولة مننا لاصلاح مجتمعنا يبقى بالتاكيد ربنا حيسخرلنا الكون كله لمساعدتنا وتيسير امورنا كلها سواء فى العمل او فى الاسرة وباذن الله هذا يرضى الله عز وجل
شكرا لمساعة حضرتك فى تطوير المدونة لو فيه اى نصيحة للتحسين او اقتراح معين ممكن حضرتك تبعته على البريد الالكترونى للمدونة meca_mwh@yahoo.com
دمت لنا أخا؛
السلام عليكم ورحمة اله وبركاته
ردحذفاحب اهنيكم نيابة عن قسم عمارة جامعة اسيوط بالمدونه الجديده واتمني انكم تقدموا فيها حاجات مفيدة نستفيد كلنا منها.
وبالنسبه لقاسم امين هو ماأخطأش ولا حاجه بس هي كل الحكاية انه كان محتاج يحط ضوابط للمرأة بما لا يتنافي مع الدين الاسلامي .وبالتالي اللي يقدر يحط الضوابط دي لنفسه فانشاء الله ربنا هايوفقه ويقدم حاجة كويسه للمجتمع من غير اي تقصير في الواجبات الاساسية.
وبشكركم علي الموضوع الجميل ده وربنا يكرمكم.
Eng\ Ahmed مصطفى أبو زيد
ردحذفأحب أن أضرب لك مثال أن المهندس مش بس أن يشتغل من8 الى 5
ولكن المهندس صاحب فكر ورأى وقدرة على ان يكون اقتصادى ومدبر ممكن يرفع من مستوى المصتع بتاعه أو الشركة وعلى ماأعتقد هنا مفيش فرق من ناحية التفكير بين الذكر والأنثى الى بجد نفسها ترفع من مستوى بلدها ودينها طبعا كلامى مش مفهوم
هضرب مثال
أثناء مابذاكر مادة الثرمو وانا فى تانيةميكانيكا فكرت فى حاجة أرفع وأزود بيها الكفاءةللمحطة البخارية فقعت أسأل المعيدين وإزاى أعمل كده بس انا كنت بفكر فى حاجة بعيدة شوية وقد تكون مستحيلة رحت لدكتور المادة وقلتله وفعلا قلى مينفعش وانا قلتله السبب فى تفكيرى فى الموضوع ده انى أزود الكفاءة وقلى الدكتور ان ده فعلا بيحصل بس بطريقة تانى غير الطريقة الى كنت بفكر فيها وانبسط خالص منى وقلى كويس ان انتى بتذاكرى بفهم
وفعلا لما رحت تدريب لقيتهم فى غاليات جديدة بيعملوا فيها الموضوع ده
تصور لو كنت فى مصنع وكنت انا صاحبة الفكرة ديه ووفرت على المصنع يبقى الموقف ايه هيقولوا لأ انا بنت
يبقى يابشمهندس التفوق العلمى الى بتقول عليه ان مجرد حروف على ورق ملهوش اى أهمية فى الحياة العملية نفع
يعنى مش المهندس قوة بدنية فقط وإلا تحول لعامل بس بيفك ويربط ويلحم
***************أعز الله بنا الإسلام جميعا************
انا لم أعترض يوما على عمل المرأه
ردحذفلكن ما زالت هناك حلقه مفقوده بين تفكيركم من الناحيه الهندسيه و تجاهلكم بان ستكونوا زوجات تحملن مسئولية بيوت مسلمه
لا زلت اتشوق لأرى أي نوع من الرجال هذا الذي سينتظر حتى تعود زوجته قبيل المغرب
قريبا استفتاء على مدونتي
ربما يزيد الأزمه اشتعالا
دمتم سالمين
السلام عليكم ورحمة الله وبركاته أناأحب أقل للمهندس مصطفى أبو زيد انا معاك ان المرأة لاتصلح أن تعمل للساعة 5 وانا نفسى لاارتضيها لزوجى ولكن هذا لايعنى انه حرام أو لايصلح ان البنت تدخل ميكانيكا أحب أقول لك انى من الناس التى دخلت ميكانيكا بعد أن استخرت الله فى هذا وحبيت هذا المجال كثيرا ورأيت انه هو المجال الذى كنت أرغب به منذ ان كنت بالثانويه ولم أدخل ميكانيكا من أجل انى اشتغل لحصول على المال لكن ان عملت فسأعمل لانتج وأفيدواذا احتاجنى بيتى فهو أولى من أى شئ ولن أخسر شئ فى هذه الحالة لانى استفدت كثيرا من دراستى وشغلى العملى فى ميكانيكا ولعل الله أن يعلمنى ماينفعنى ويكفينى عن أى رجل "مهندس أو غيره"الازوجى لاصلاح أى شئ أما الشغل الحكومى الذى نعرف نحن مداه فلا أخرج للعمل به الااذا دعتنى الحاجةلذلك
ردحذفيابشمهندس نأسف للاطالة لكن ملخص ماقلته ان العلم فى ميكانيكا فى حد ذاته جميل والعمل فى هذا المجال أجمل وما العلم الالينتفع به بغض النظر ان كان سينتفع به فى شغل الساعة 5 أو فى البيت أو فى أى شئ آخر والبيت هو مملكة المرأة الاول ولتزينه ياأخى بعلمها
أزال أحد مشرفي المدونة هذا التعليق.
ردحذفاسبوعين من غير مواضيع جديده
ردحذفده بنسميه عندنا في التدوين اكتئاب
فين جديدكم التدوين محتاج متابعه واستمرار وتفاعل
ربنا يعينكم
السلام عليكم و رحمه الله و بركاته
ردحذفمعلش انا مطر انى ارد رغم ان وقتى محدود جدا.
بس على العمومانا مش ضد عقليه المرأه او حقها فى التفكير و الابداع و لكن كل شيء و له شىء يعنى مثلا لو افترضنا واحده بنت درسه الميكانيكا و خرجد الى سوق العمل فهل من الممكن ان تنبطح ارضا لمعرفه سسب عطل فى سيارة او طياره او باخره او او الغوص فى اعماق البحار و المحيطات للحام مواسير البترول -و محدش يقول دى اعمال فنيين او عمال -دى فى صميم اعمال المهندس المتفوق هلشان مينفعش اخلى عامل ينزل تحت الماكينة و اقله شايف ايه العطل و مينفعش بعد ما يصلح الماكينه اقله برافو عليك من غير ما اشوف شغله بعينى,
و هنا انا عارف الرد بتاعكم ان البنات مش شرط تشتغل الشغل ده علشان الى انا باقوله ده اسلوب شغل مش وظيفه معينه بمعنى اخر المرأه صعب و شبه مستحيل ان تعمل عملها بادقان تحت التقيد بمباديئنا الشرقية.
اما بالنسبه للابداع الميكانيكى فانا احب ان احييكى على التفكير فى فالثرمودينمك و كيفيه تحسين ادائها و اكفائتها
و لكن هل من الممكن ان اطور شىء دون ان اكون ملم به من جميع النواحى الاقتصاديه و الفنيه من حيث الصيانه و التركيب و الاعطال الدوريه و هذا لا ياتى من قراءة الكتب
بل من واقع الحياع العمليه .
بالنسبه لموضوع الكرسى المتحرك انا عارف ان انتم تعبتو فيه و فكرتو كتير و سالتو ناس كتير بس فين التطبيق؟؟؟
يعنى انا ممكن بكره اجى الكليه و اقول و الله انا هاعمل سياره بتمشى بالهواء!!!
و ده موجود فعلا و معايا المخطط للموطوع بس صعب جدا انى اتجرأ و اشتغل فى الموضوع ده لان مهما كان الموضوع بسيط بس فيه مشاكل كتيره جدا بتظهر عند بدا العمل , ولا احد يونكر ان المشروعات التى شاركت معكم فى المسابقه و هى ال اسكادا سستم و تكييف السياره عن طريق الامتزاز بجانب بعض المشاريع الاخرى انها زات تاثير هام فى مجال الصناعه و الحياه الميكانيكيه و المهندسين الذين قامو بطرح هذه المشاريع كانو على مقدره ان يحولو هذه المشاريع من رسومات و معادلات الى الات تعمل و يستفيد منها ملايين الاشخاص.
و فى النهايه احب ان اكرر ان العلم الذى ينفع صاحبه فقد و لا ينفع الناس ليس له قيمة, مثل العلم الذى يشبع رغبه دارسه دون العمل به
و السلام ختام .........
اسفه على التاخير بسبب بعض الاعطال
ردحذفaya nageh**
***********
شكرا ليكى ولقسم عمارة ؛الحمد لله الاسلام حطلنا الروابط ديه بس يارب الكل يمشى عليها
مصطفى ابوزيد**
*************
احنا مش حنرضى بالوضع ده قبل ازواجنا ؛لان بالتاكيد الاسرة اهم من اى حاجة تانى ؛؛؛
يارب تكون قرات الرد السابق الخاص بحضرتك وتكون رسالتنا وصلت؛ وياريت تقرا الرد تانى.
**Eng/Ahmed
***************
(معلش انا مطر انى ارد رغم ان وقتى محدود جدا)
طب ومعلش ليه ؛مشاركتكم بتنورنا
فعلا البنت مش حتقدر تنزل تحت العربية بس المفروض البنت تختار العمل المناسب لطبعتها مش علشان عاداتنا الشرقية بس علشان دينا اللى امرنا بالالتزام
بالنسبة للالمام بجميع النواحى الفنية فعلا ده مش من قراءة الكتب بس واحنا فعلا بنحاول نعرف الجانب العلمى والعملى فى حدود قدرتنا على ذلك
؛؛؛؛؛؛
كلمة النهاية جميلة جدا وده هدفنا فعلا ان احنا نقدر ننفع دينا ومجتمعنا بعلمنا و اكرر مدام نيتنا خير يبقى بالتاكيد ربنا حيسخر لنا الكون كله لننفع بالعلم ده .
شكرا على وقتك المحدود جدا؛
طلب من جميع الاخوات المشاركات عدم ذكر مواضيع خاصة
موضوعي الجديد لم يكن له علاقه بمدونتكم
ردحذفانا مدون لا احارب المدونين ابدا
انا ادافع عن رايي وهذا الموضوع كان سيكتب عندي حتى لو لم تظهر مدونتكم للنور
و الدليل ان قبلي حتى ما انزل موضوعي رديت عليكم هنا في بيتكم ومدونتكم
عايزين نشوف مواضيع جديده التدوين محتاج نشاط اكتر
مصدقنا حد من ميكانيكا اسيوط غيري نطق
سلاااام
مصطفى ابوزيد**
ردحذف*************
اهلا بك دائما
حينزل موضوع جديد باذن الله يارت تشاركنا برايك
السلام عليكم بالطبع لم يخطئ قاسم امين لكن اخطء من استغلت هذه الحرية بشكل خاطئ لكل فكر خيره وشره ولكن لانغمض اعيننا عن الخير لنرى فقط الشر لابد ان نكون كالنحلة ترى الزهور الجميلة لتقف عليها ولا نكون كالذبابة التى لا تقف الا على ..... العيوب اعتقد ان الجميع لا يعترض على تعليم المراة ولكن عل ى طبيعة عملها
ردحذفوان كنت لا افهم حديث المهندس الذى يقول لا فائدة من علم لا ينفع عدم تطبيق العلم لا يعنى انه لا ينفع لو تعلمت المراة دون ان تعمل فهل ذلك لا ينفع (العلم يرفع بيوت لا عمد لها والجهل يهدم بيوت العز والكرم)التعليم حتى الهندسى يفيد فى تكوين الشخصية وليس فقط فى العمل فى طرقة التفكير وحل المشكلات والربط بين الاشياء بعضها البعض فهناك بعض الجاهلات لا تعرف حتى كيف تغير انبوبة البوتجاز فى منزلها ولاحتى تواجه ماهو ابسط من ذلك
وللعلم هناك لان بعض الاوناش لرفع العربات والمعدات الثقيلة لاصلاحها وليس هناك داى للانحناء تحنها كما هو الحال فى المشحمة(انت قديم قوى) الدنيا بتطور يا بشمهندس
ممكن تصلح العربية وانت واقف
وبعدين ممكن لمصنع فيه مهندسين ومهندسات لتقوم المهندسة بالعمال البسيطة والاقتراحات والمناقشة لتخفف من عبئ المهنس لمثل هذه الاعمال الثقيلة تكامل مش تحدى وبعدين لما تعمل المهندسة للسعة 5 اكيد زوجها مش هيرجع البيت قبل 8 او 10 مش هيستناها متخفش وبيكون فى يوم او 2 اجازة فى الاسبوع تقدر ترتب فيه كل احتياجات الاسبوع
وبعدين العمل مش بيخلق مشكلة لاكن ممكن يكون سبب لحل العديد من المشكلات
انا يمكن اكون اكبر منكم سنا ف اسمع منى لوفى مشكلة صغيرة بين الزوج والزوجة هو يخرج للعمل ينسى المشكلة فى وسط زحمة العمل ومشاكل الشغل الاكبر يرجع البيت تكون الهانم عمالة طول النهار تفكر فى المشكلة دى وبتكبرها (ازى مردتش ليه يقول كدة و.. و..و )وتستنى وصول البيه لتبدا المشكلة من جديد وبشكل اكبر مش لو بتشتغل كانت رجعت مهدودة مفيهاش نفس للعكننة
دى حاجة
كمان هى بتصرف وبس مش حاسة بقيمة تعب جوزها وانه بتطلع عينة فى الشغل ازاى عشان يوفر القرش بتصرفه هنا وهناك فى المفيد وغيره لوبتشتغل هتعرف قيمة القرش وانه مش بيجى بالساهل وهتحافظ عليه
اولا الست الى بتشتغل يعرفوا يعنى ايه يعتمدوا على نفسهم الراجل بيكون راجل بجد اب صغير للاسرة بدل ابوه والبنت شاطرة وست بيت ممتازة بتتحمل المسؤلية لحد امها مترجع من الشغل ام صغيرة
بعكس ست البيت الى بتشيل عن اولاده وبناتها كل العبئ وبيكونو خيبانين ده واقع مش مجرد كلام
بس بجد لو الاطفال صغيرين ولغاية ما يكونوا اب وام صغيرين لازم تكون معاهم بيتها اولى الا لو كان فى بيل والدته او حماتها انا عرف ام بشكل شخصى اولادها وبناته من اشطر مايكون وهى فى شهر كل شهرين يتطلب عملها من 8 ال8
وعندها مهنسين ودكتور ومدرسين ورجالة بجد وستات بيوت شاطرين وفى شغلها متميزة
كمان لوالراجال والست بيتعبوا مع بعض بيحسو ببعض بيرجعوا فى نفس الوقت لوهى ست بيت عاية تسهر هو عندة شغل بدري عايز ينام وتبدا المشاكل ايه رئيكم الراجل هو الى بيدورلها علي شغل ولا ايه
طولت كتير بس الواقع مختلف عن الكلام النظرى انا بكلمكم من واقع والله الموفق تاكاشى
تاكشى**
ردحذف******
ازيك يا احسن بشمهندسة باذن الله ؛ربنا يوفقكم كلكم
يارب نستمر على طول فى التواصل من خلال المدونه او حتى الايميل
شكرا لمرورك الدائم ؛
wait me after ramadan
ردحذفfirstly engineering for men only
بسم الله الرحمن الرحيم
ردحذفالسلام عليكم و رحمه الله و بركاته
كل سنه و انتم طيبين بمناسبه شهر رمضان الكريم
اما بعد....
احب اولا ان اشكر المهندسه تاكشى على الاهنمام بالموضوع ده بس احب اقلها ان العلم الذى يرفع بيوت لا عمد لها لازم يكون علم مناسب لصاحبه يعنى انا ماعترضش ان المرأه تتعلم بل اشجع ذلك و فى نفس الوقت ماعترضش انها تشتغل بس بشرط ان يكون هذا العمل لايؤثر على كونها كمرأه ولا على اسرتها يعنى مثلا يمكن للمرأه ان تعمل مدرسه او طبيبه فى بعض الحالات او محاسبه او كيميائيه او مهندسه ديكور او فى العلاقات العامه و غيرها من الوظائف التى تحافظ على كونها كمرأه بس عند الميكانيكا و نحط 100 خط احمر ممنوع الاقتراب للاسباب المنشوره سابقا.
اما بالنسبه لموضوع الاوناش الى بتشيل السيارات و المعدات الثقيله دى موجوده من قبل ما احنا نعرف يعنى ايه ميكانيكا يعنى مفهاش قدسيم و جديد بس انا حبيت اضربلكم مثل للاشغال الصعبه الى ممكن اى مهندسه ميكانيكا تتعرضلها (مش هنيجى فى الهيفه و نتصدر)
و بعدين انا لو شايف نفسى قديم اهه النت عندى هابقى اعمل لنفسى ابديت ههههههههه.
و بعدين ازاى يكون مصنع فيه مهندسين و مهندسات و تقولى يا بشمهندسه ان المهندسات يقومو بالاعمال البسيطة والاقتراحات والمناقشة للتخفف من عبئ المهندس لمثل هذه الاعمال الثقيلة تكامل مش تحدى (ده مش تكامل ده استخفاف و استهتار بالمهندس)يعنى ينفع المهندسه تخطط و المهندس زى الشاطر يقول حاضر يا بشمهندسه ويجرى ينفز زيه زى الفنى(ده فى المشمش)احنا مطلبناش من حد مساعده و بعدين طول عمر المصانع شغاله المهندسين هى الى بتفكر و تطور و تنفز و الحكايه الله اماصلى على النبى زى الفل التطور اسرع من الريح (اطلعو منها و هى تعمر).
و بعدين موضوع ان الست لازم تخرج من البيت للشغل علشان متبقاش فى وش جوزها طول اليوم انا قلت انى مش ضده بس برضو قلت مش اى شغل و بعدين مش تخرج و ترجه الخامسه عصرا (صح ولا ايه)؟
و بعدين هى الام هتربى عيالها و عيال عيالها (ارحمو الامهات بقى )و الله امهاتنا مش هتتعوض(الف خساره).
و بعدين بدال ما انا قديم ممكن انتم تورونى الجديد (ده مش تحدى ده تكامل) ؟
و ياريت التعليق ده ميتحزفش.
و السلام ختام.
new update for men..............
ردحذف...........GET IT NOW
........................DOWENLOADING
ياااااااااااه تصدق يواد يااحمد كنت محتاج الابديت دا من زمان
وبالنسبة للامهات ياابو حميد شكلهم حاليا معملوهم ابديت والله يرحم ويغفر لامهاتنا اللي مش ممكن يتعوضوا في زمن الابديتات دا
هع هع هعيييييييييييييييييييييييييييييييييييييييع
Eng/Ahmed**
ردحذف*********
اهلا بحضرتك ديما ؛شكرا لاهتمامك ونتمنا ان حضرتك تشركنا فى باقى مواضيع المدونة
-------------------------------------------
ENGINEERING FOR MEN**
*******************
اهلا وسهلا بحضرتك فى المدونة ؛بالتاكيد حنستنا حضرتك بعد رمضان مدام حتقدم شيئ يفيدنا وفى صالح المجتمع فى النهاية ويرضى الله عز وجل
ربنا يرحم ويغفر لامهات المسلمين اجمعين باذن الله ؛بس حتى لو امهات الزمن ده مش كويسين ممكن ننوى نية صادقة ان نصلح فى بناتنا فى المستقبل علشان يبقوا احسن
احنا فى انتظار حضرتك والله المستعان
يقطع البنات وخلفة البنات
ردحذفاحمد محمد ضياء (^^) LOL
ردحذفربنا يزيد المدونات كمان و كمان و خلي بالك يا ابو زيد لينسحب من تحت رجلك البساط
هابتدي جد بقي:
*هل انتي مستعدة انك تشتغلي في عنبر ماكينات مليان عمال منهم اللي بيضرب بانجو واللي بيشم واللي واللي ....
*هل انتي مستعدة لو جالك شغل في انشاء وحدات مصنع انك تقعدي في الصحرا "السادس او العاشر" بالاسبوعين و التلاتة .
*هل لو العمال مش عارفين يصلحوا مكنة ومهندس الوردية مش موجود ممكن حضرتك يتصلوا بيكي الساعة 2 باليل عشان تصلحيها
*هل لو كنت مهندسة بريمة تقعدي في البير تلات اسابيع ما تشوفيش حد وسط الرجالة و العمال .
*هل حضرتك مستعدة انك ما تنجبيش اطفال لان اكيد صاحب المصنع مش هيرضي انك تسيبيه سنتين كده في وسط الشغل.
*هل لو سعادتك عايزة تعملي شغل خاص هتجيبي فلوس ازاي مع كل النقط السابق زكرها ولو فرضنا انك معاكي الفلوس هتقدري نقومي بالمشروع علي اكمل وجه يعني لفي ولاده و لا الكلام ده في النص.
*واذا كنت ممكن تتغلبي علي النقط دي كلها مين بقي الشاب الحلو اللي هيرضي بالكلام ده عشان تتجوزيه ,معلش بس الكلام ده بيخنقني بجد.
بعيدا بقي عن حدة الحوار الميكانيكي اللي يقرا اللي انا كتبته هيعرف اني ما جبتش اي حاجة عن المقدرة الذهنية ممكن الفسيولوجية بس ده من المسلمات بالنسبة لي و اكيد لو انتوا بجد عايزين تشتغلوا صح انصحكم تسافروا برا لان ممكن هناك تلاقوا كل اللي مش موجود هنا بس هنا انتوا كانكم بتصيدوا سمك في الصحرا
احمد ضياء
ردحذف---------
الله عليك يا ابوضياء
كفيت و وفيت
هيقولولك اصل احنا هنشتغل نخطط وندرس ونصمم
بس هما كده هيحتاجو شغل تفصيل على مقاسهم
عموما بعد ما اتخرجت بشهرين اقدر اقول ان الحصول على وظيفه شيء ليس بالسهوله التي يتخيلها البعض
متخفش يا احمد البساط مش هيتسحب ان شاء الله
نحن نختلف
تسلم
سلام
غير معرف **
ردحذف*********
جزاك الله خيرا ؛بس ياترى بتقول كده برضه لمامتك ومراتك وبنتك فى المستقبل
---------------------------------------------
احمد محمد ضياء**
************
اهلا بحضرتك فى المدونه ؛ اسعدتنا المشاركة ؛السفر بره مستحيل يكون حل لاى مشكله قدام اى حد(موضوع بلادنا احسن يبشمهندسين )
لك التحيه؛
----------------------------------------------
مصطفى ابو زيد **
************
جزاك الله خيرا على كل الاهتمام ده ؛البساط لا حينسحب من تحت رجلك ولا حاجة حضرتك ليك الخبرة والاسبقيه والكفاءة فى موضوع التدوين
الله عليك يا حبيب والديك
ردحذففعلا يا احمد ضياء خير الكلام ماقل و دل و انت جبت المفيد و انا معنديش كلام اقوله بعدك .
السلام ختام
انا مش بقول كده عشان تقولولي اني كفأ و اقدم تدوينيا
ردحذفلكن الحقيقه كنت اتمنى أرى ردا على النقاط التي طرحها احمد ضياء في تعليقه
و ان كنت اريد ان ازيد عليه
فنحن ربما لا نعلم كيف تفكر النساء
و لكن بلا شك نحن نعلم جيدا كيف يفكر الرجال
فالرجل لن يقبل العمل لزوجته الا بشكل معين و بحدود ضيقه و الهندسه لا تخضع لهذا التصور
الرجل يريد من زوجته ان تكون أميرة في مملكته
و لكن يبدو ان النساء يردن شيئا اخر
لا يملك أحد ان يقف في وجه طموحكن و لكن ان واجهتم طريقا مظلما و مغلقا في النهايه فلا تلومو الرجال حينها و لكن لومو انفسكن
هذا اخر كلامي في هذا الموضوع
بالتوفيق دائما
اشطه يا ابو زيد يا واكلهم
ردحذفانا بضم صوتي لصوت مصطفي و ارجو الرد المباشر علي النقط السابق ذكرها في رد مصطفي وردي مع العلم ان المواقف المطروحة من الواقع العملي و منها اللي حصل و اتحكي قدامي
ردحذفوشكرا لENG/Ahmed