سمعتوا الخبر الجديد
مش البنات بقيوا عسكرى مرور كمان
بصوا انا حقول على اللى حصل وانتو قولوا رايكم
امبارح فى برنامج 45 دقيقة على قناة المحور
احد الموضيع اللى نقشوها ان محافظة الإسماعيلية (ومفيش حد من الإسماعيلية يزعل منى خلاص متفقين ؟!)
بتخلى بنات الجامعة والمدارس ينظموا المرور فى الاجازة
واللى استغربتله ان كل المواطنين اللى سجلوا معاهم الحكاية ديه عجباهم سواء رجالة او ستات وبيقولوا على ده انه مظهر حضارى
هوه صحيح ان المراة تشتغل وتشارك فى المجتمع
بس فى راى انه موضوع المرور ده صعب وبعدين بالتاكيد مش كل سواقين التاكسى وباقى المرور حيعاملوا البنات دول
بطريقة مهذبه لدرجة كافية وخصوصا انهم بيكونوا تحت ضغوط ومشاكل الطريق والزحمة وده بيخليهم تحت ضغط
عصبى شديد
واحنا بنشوف سواقين التاكسى وطريقة معاملة البعض منهم لما بيكونوا متعصبين
وبعدين المراة متقدرش تقف لساعات طويلة متواصلة
وعلشان كده بنلاحظ انه الجراحين اغلبهم رجالة لان العمليات الجراحية بتكون لمدة ساعات طويلة
البنات دول صعبنين عليا بالتاكيد بيتعبوا من الوقوف و الشمس ..
كان فى سؤال فى بالى طول البرنامج همن ليه ماخدوش الطلاب معاهم ؟؟!!!
تخيل بقى .......... عسكرى مرور
(ملحوظة : جايز البنات دول شيفين فى شغلهم اهداف انا مش واخده بالى منها
( التمس لاخيك سبعين عذر وان لم تجد له عذر فاوجد له عذر) والله اعلم )
ما أنا قولت من زماااااان
ردحذفطالما عايزين مساواه كامله يبقى البنات تدخل الجيش
---------------
مفيش مانع من شغل المرأه طالما انه بيحفظ كرامتها و أنوثتها أعتقد ان شرطي المرور لا تحفظ كرامة ولا أنوثة المرأه
تقبلو مروري
هههههههههه صعبة دى بصراحة انا عن نفسى مش هستحمل الشمس ولا رزالة السواقين بتاتا
ردحذفبس يمكن هما قالوا المرور يمكن ينتظم لما يكون بنات هما اللى بنظموه :)
انا مكنتش ناوية اكتب تعليق على الموضوع دة عشان مش عاجبنى خالص بس انا بجد حبيت المدونة دى وزى مابقول الحاجات اللى بتعجبنى هقول بردوة اللى مش عاجبنى اولا العنوان مش لذيذ خالص ثانيا احنا مش عندنا الحق ان احنا نقول لحد اشتغل هنا ومتشتغلش هنا بغض النظر عن موضوع النهاردة احنا منعرفش ظروف اللى قدامنا بيشتغل الشغلانة دى ليه وبعد كده طالما هيا مستمتعة بشغلها وبتحبة يبقا احنا مش نعترض ونقول ينفع ومينفعش احنا مش هنعرف اكتر من اللى بيشتغل الشغلانة دى . وطالما الشغل حلال مفيش مشكلة تشتغل حتى جزار او سباك او نجار او حتى تدخل الجيش احنا لية مصممين نقيد رغبات اللى قدامنا اهم حاجة هو او هى راضية عن شغلها ونفسها وعلى فكرة الموضوع دة زى موضوع بنات ميكانيكا هما بردوة بيتعملوا مع جميع الاشكال فياريت نسيب اللى قدامنا يختار مستقبلة بنفسة. سورى بس انا اكتر حاجة بتنرفزنى حد يقولى اعملى ده وماتعمليش ده.
ردحذفeng/BASMA
مصطفى ابوزيد**
ردحذف***********
المساوه فيها ظلم لينا لان الاسلام الحمد لله كرمنا بما فيه الكفايه
شكرا لمرورك ؛
_______________________________________________
ايوشه**
*****
ازيك يا سكر منوره المدونة والمدونات المجاورة كمان
على رايك يمكن خلوا البنات تنظم المرور باعتبار انهم مهندمين ومنظمين ومرتبين غير الاولاد
او خلوا الستات الكبار تعمل تنظيم اسرة والصغار تنظيم مرور علشان يتعودوا من دلوقتى
نورتى ؛
_______________________________________________
eng/BASMA**
*************
حتى لو الموضوع مش عاجبك علقى عليه وقولى انه مش عاجبك واحنا نشيله خالص
(طبعا باضحك )
انا قلت فى اخر الموضوع انه ممكن تكون البنات دول ليهم اهداف انا مش واخده بالى منها
بس الطبيعى انه المراه متقدرش تقف كل المده ده ؛ انا وبكتب الموضوع كنت عارفه انه ممكن حد يعلق ويقول مهوه ده زى شغل قسمنا ميكانيكا بس حتى فى ميكانيكا فى حجات منقدرش نعملها ومحدش يقدر ينكر ده وده مش عيب لان الله عز وجل خلق المراه لها بنيان غير الرجل
فعلا شيئ ينرفز انه حد يقلك اعملى ده ومتعمليش ده بس متنسيش انه مش كل حاجة بنعملها دائما بتكون صح وواجب على اللى حولينا انهم يعلقوا عليها علشان نزيد من الحجات الصح ونبطل الحاجات الغلط
ولا ايه ؟
اسعدنى تعليقك ؛
أزال المؤلف هذا التعليق.
ردحذفالتأكيد الإسلام كرم المرأه بما فيه الكفايه
ردحذفبس ياريت الكل يفكر زيك
----------
eng/Basma
----------
مش كل حاجه مقتنعه بيها تبقى صح ومش كل حاجه صح لازم الناس تقتنع بيها
ده ابسط مبادئ الاختلاف في الرأي
لذلك الكل له الحق في التعبير عن رأيه بإسلوب لائق
السلام عليكم عندما ندافع عن عمل المراة لم نقصد مطلاقا المساوة اوالتحدى ولكن حلا للعديد من المشكلات وبحثا عن التكامل فى المجتمع بين الرجل والمراة فكل ميسر لما خلق له ومن الممكن وجود بعض الرجال لا يستطيعو القيام بمثل ها العمل وهذا ليس عيب وفى رجال ليس لديهم اعصاب لعمليات جراحية بالرغم من ان هناك نساء تقتل زوجها مثلا وتقطعه فى اكياس ههههههه انا بهزر بس الى يقدر على حاجة يعملها عشان تستمر الحياة بالحلال والمنافسة الشريفة وبما يرضى الله اسف للاطالة تاكاشى (ده اسم يبانى معناه الاساسى او الرئيسى )سلام تكاشى
ردحذفتاكشى**
ردحذف******
اسم جميل ومعناه قوى ؛اهلا بيك دائما
كلامك صح بس ياريت الكل يفهم ده وكل ده طبعابما يرضى الله زى مقلتى و داخل اطار الدين والعادات والتقاليد لازم مننسهاش
نورتينا ؛
اولا اه من واجب اللى حوالينا نقولهم على الحاجات الغلط اللى بيعملوها بس عسكرى المرور او عسكرية المرور مش حاجة غلط !!! على فكرة مشروع تنظيم البنات لمرور ده تقريبا من 3 سنين فاتت شغال فى اسماعلية محدش اعترض من اباء وامهات البنات دول والناس هناك فرحانين بيه اووى (دول ناس زينا مسلمين ومسيحين) ثانيا احنا لما نيجى نشتغل هنشتغل وفقا لما يرضى الله وبس مش هنعمل الحاجات اللى ترضى عادتنا وتقاليدنا لان معظم عادتنا وتقاليدنا حاجات كلها غلط فى غلط.وزى ماعمو جيفارا قال
ردحذف(أنا لا اوافق على ما تقول. ولكني سأقف حتى الموت مدافعا عن حقك في أن تقول ما تريد)
وهو ده الكلام ياتاكاشى احنا شكلنا لازم نقتلنا كام واحد كده عشان نوريهم ان إحنا اقوياء ونقدر نستحمل الشغل هههههههههههه .
eng/BASMA
مجرد نصيحه
ردحذفياريت التنويع في مواضيع المدونه
أخشى أن معظم المواضيع تجعل المدونه تسلك مسار الدفاع عن المرأه و هو مسار ربما يدفع القراء إلى الملل أو الدخول في مجادلات لا تنتهي
و في التدوين إن شعر القارئ بالتكرار و الملل فإن زيارته تندر و لا يغير فكرته عن مدونه بسهوله
------
أو إنهاء كل هذه التكهنات بالإعلان
عن هدف واضح للمدونه
eng/BASMA**
ردحذف**********
ايه كل ده وصلت للقتل بالراحه شويه
بتنورينا دايما؛
مصطفى ابو زيد**
**************
المدونه بالفعل متنوعة ؛فى كذا موضوع فى المدونه مش تبع البنات خالص
الموضوع ده مش بيدافع عن المراه بالعكس يمكن احنا (بعض مننا)شيفين ان الوظيفة ديه صعبه شويه فبننقضها
(إنهاء كل هذه التكهنات) فين هى ديه احنا مش فهمين قصد حضرتك ؛ كل المواضيع بتتناقش ؛مجرد مناقشة
الســــــــــــــــــــــــــلام عليكم
ردحذفوحشتنى المدونة موووووووووووووت انا أعترف انى مقصرة فى حق المدونة بس ربنا يعلم ان غصب عنــــــــــى
مكنتش فاضية خالص بس من دلوقتى اعاهدالله أولا ثم اعاهدكم انى مفيش يوم هيعدى من غير موضوع او تعليق
أحب اقولكم كل سنة وانتم طيبين بمناسبة شهر رمضان
بسم الله نبدأ
أحب أتفق مع الزميل مصطفى أبو زيد ان مواضيع المدونة هتسلك مسار الدفاع عن المرأة وده مش الهدف الأساسى لإنشاء المدونة
فلنجدد نيتنا انها من أجل الله عز وجل وعزة ونصر للإسلام
هأظل أقول ان اى عمل للمرأة ترى نفسها فيها
تعمل عملا فيه عزة ونصر للإسلام مالم يخالف الفطرة التى خلقها الله عليهافلامانع والله اعلم
على فكرة يابشمهندس مصطفى ابو زيد انا بنت ونفسى اتخل الجيش بس لوفيه ستات يدربونا علشلان طبعا الملابس والتدريبات مينفعش كبتن يدربنا
انت عارف ليه نفسى اتخل الجيش
علشان اتعلم المسئولية والإعتماد على النفس وحسن وسرعة التصرف مش علشان ابقى طبعا زى الولد
اما بالنسبة لعسكرى المرور انا رأى انه مش ظريف هل البنت عاشقة هذا المجال ومفيش بديل تتعلم منه النظام
واحب اقول للاخت بسمة انا فى ميكانيكا وبحب مبكانيكا جدا وبحب المحركات خالص لكن مينفعش اقعد فى ورشة واصلح عربيات وسط العمال ( ***مالم اكن مضرة من أجل التعليم مثلا او من أجل عمل وكسب عيش اى مضرة لهذا الأمر***)
فلنبعد ان اى يعمل فبه صعوبة للمرأة مالم تكون مضرة له فلنحفظ للمرأة أنوثتها وسمعتها على قدر الإمكان مش نضور على حاجة تتعبها حتى ندخر صحتها لزوجها وأولادها
ياريت يابسمة تكونى فهمتى كلامى
كنت بفكر فى حاجة ونفسى اعرف رايكم فيها
لو مثلا فيه ست جوزها سواق تاكسى ومات
ومفروض كل الظروف بتحكم عليها انها تتشتغل مكان جوزها يعنى سواقة التاكسى يعنى
انا كنت بفكر انها مثلا متركبش راجل وحده علشان خلوة طيب ومتروحش فى اماكن مهجورة يعنى توصل الناس فى الشوارع العمومية بس طيب
هل يغع تبقى سواقة تاكسى ولا لأ
نفسى اعرف آراكم بس طبعا الناس مش هتسيبها فى حالها بجد لو الدين يسمح انها تشتغل كده ربنا يعينها
ســــــــــــــــــــــــلام
هغير الإمضاء من مهندسات لعزة الأمة إلى بنات
**********بنات لعزة الأمة*************
بنات لعزة الامه **
ردحذف****************
شكرا صديقتى على التعليق واهتمامك بالمدونة
ياريت فعلا كل الاعضاء يهتموا بالمدونه ونحاول نطورها لاحسن صورة
بس ياريت كل عضوة تختار اسم معين ليها تمضى بيه الرسائل والتعليقات ويكون مسجل ( يعنى مش غير معرف)
وممكن نتفق على الموضوع ده فى بداية الدراسة باذن الله
عزيزتى (بنات لعزه الامة)
ردحذفwelcom back مستنينك من بدرى و ردا على موضوع سواقه التاكسى اعتقد ما ينفعش علشان سواق التاكسى ماينفعش يركب على مزاجة يعنى لو فى تاكسى فاضى ومركبش حد ممكن ياخد فيها مخالفة وطبعا سواقين التاكسى مش ناقصين مخالفات اليومين دول هيا ممكن تبيع التاكسى وتشوف هيا ممكن تقدر تعمل اية بفلوسه تربى طيور لو ليها فى تربيتهم اوتشترى ماكينة خياطة . اما لو كان لازم تشتغل على التاكسى ده فامرها لله بقا بس تبقى الاول تتفرج على عبله كامل لما كانت سواقة تاكسى بتعمل اية وتاخد خبره منها ههههههههه (على فكره بحاول افهم كلامك) eng/BASMA
بنات لعزة الأمه
ردحذف--------
مين قالك الجيش بيعلم الإلتزام و الإنضباط؟
الجيش من بداية التسعينات أصبح لا يعلم أي شئ
إسألي أي شباب ما هي أسوأ فتره بحياتك ؟ أكثر من 85 % ستكون إجابتهم هي الفتره التي قضوها داخل الجيش كمجندين و لا تحدثيني عن النيه أو غيرها و لكن فقط إسألي .. إسألي أحدهم و أتركيه يقص عليك ماذا وجد حين كان يخدم وطنه كما يدعون
( الفيلسوف )
م/مصطفى
ردحذفطب ايه رأيك فى البنات اللى بتشتغل فى النظافة على فكرة دى موجوده فعلا فى جامعة المنصورة أهو دى مش هتسلم من تعاملات الطلاب وخصوصا طلاب بحرى
أنا من رأيى لو مفيش حد بيصرف على البيت وهى محتاجة فى هذه الحالة ممكن تروح تشتغل
المهم انه يكون شغل حلال وتستحمل
أنا سعدت برؤية هذه المدونة
م/مصطفى**
ردحذف*******
اهلا بحضرتك فى المدونة ؛ فى راى ان برده موضوع النظافة ده صعب الا اذا كانت مدرسة بنات بس
شكرا لحضرتك