شويه كلام

لما حد بيحب يدخل كليه الشرطة او الحربية او اى كليه عسكريه

بتبقى حاجة صعبة وبيرتبلها كتير علشان يحقق هدفه

ومن اهم الترتيبات ديه انه بيدفع فلوس كتير

عارفين فى الاول كنت فاكره ان الفلوس ديه الرسوم لدخول الكليه

يعنى زى ما احنا بندفع فلوس فى مكتب التنسيق و رسوم العام الجامعى هم بيدفعوا الفلوس ديه كلها للرسوم بس علشان كليات عسكريه ومش اى حد بيدخلها الرسوم بتعتها عاليه

ده اللى كنت فكراه بس اكتشفت ان ده غلط وان الفلوس ديه بتروح لناس علشان يدخلوا الواحد الكليه اللى هوه عايزها

يعنى --------رشوة---------- فعلا هى رشوة يعنى حرام

هى الرشوة حلال ولا حرام ؟!!!!!!!!!!!!!!!!!!!!!!!!!!!

وصلى من مده قريبه انه مهندس علشان يتعين فى شركة دفع تقريبا 35 الف جنيه علشان يتعين فى الشركة ديه

طيب الفلوس ديه عبارة عن ايه ؛برضه الفلوس ديه بتروح لناس –تقريباوالله اعلم- علشان يعينوا البشمهندس فى الشركة

يعنى --------رشوهة---------فعلا هي رشوه يعنى حرام

هى الرشوة حلال ولا حرام؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

عندي معلومة انه الطالب لو غش يبقى مرتبه اللى بياخده بعد الشغل مش من حقه لانه فى الاول اخد مكان مش مكانه

يبقى ازاى مهندس تعب هوه و أهله طول سنين تعليمه يجى يختمها بحرام ويتعين برشوة تبقى عليه وعلى أولادة الثمرة اللى عايز يجنيها حرام تفسد حياته وميبقاش فيها بركه

لما قلت الكلام ده لاحد الشخصيات المقربه لى كان الرد طيب مهى الدنيا كده وكل الناس بتعمل كده ؛فلو معملتش كده مش هاخد مكانى وده من حقى يبقى اخده بالطريقة ديه احسن ميضيع

وبمناسبه الوظيفة هوه فعلا دلوقتى محدش بيتعين الا بواسطة او فلوس (رشوه يعنى)

يعنى لما اتخرج باذن الله عز وجل وتقدمت لمسابقة مش حشتغل رغم انى ممكن اكون مناسبه ليها

بجد بقيت مش عارفه حاجه خالص

بس اللى متاكده منه ان لما ربنا بيريد حاجه بتكون رغم عن اى شيئ ورغم عن كل شيئ

ليه بقيت كل الحاجات ديه عادى والكل بيعمل كده فاحنا لازم نعمل زى الكل رغم ان احنا متاكدين انى كل واحد بياخد نصيبه ومحدش حيقدر بكل قوى الدنيا يغير حاجه مكتوبه ؛ومحدش يقول ده نصيبى فلازم اعمل كده لاننا عارفين انه ده حرام وربنا كفانا فى كل شيئ بالحلال عن الحرام

طب بزمه تقدروا تقولولى ازاى نقدر نربى اولادنا على الدين والقيم والمبادئ والحلال والحرام واحنا مش مشين بيه اصلا ؟؟؟

مش عارفه بقيت اشك انى شايفه كل حاجه غلط خالص

امضاء ........مهندسة